Sport24.az
"Komandanın oyunlarını tam izləyə bilmirəm. Amma icmallara mütləq baxıram". Bu sözləri Sport24.az-a "Neftçi"nin sabiq futbolçusu Baqali Dabo deyib.
37 yaşlı keçmiş forvard "ağ-qaralar" cari mövsüm iki turdakı çıxışı ilə bağlı danışıb:
"Komandanın son oyununa xüsusi toxunmaq istəyirəm. Hücumçu (red: Bassala Sambunu) qapıçının çarəsiz qaldığı epizodda fərqlənə bilmədi. Mövsümün ilk matçlarında fürsətlərdən maksimum yararlanmalısınız".
Fransalı sabiq oyunçu "ağ-qaralar"ın baş məşqçisi Samir Abasov haqqında da danışıb:
"Düşünürəm ki, bir mütəxəssis klubda uğur qazanıbsa, ona şans vermək lazımdır".
Qeyd edək ki, "Neftçi" ilk turda "Şamaxı" ilə (1:1), ikinci turda "İmişli" ilə heç-heçə edib. Baqali Dabo 2018-2020-ci illərdə paytaxt klubunda çıxış edib.
