Idman.biz
İtaliyalı hücumçu Mario Balotelli karyerasının davamı ilə bağlı planlarından danışıb.
İdman.Biz xəbər verir ki, o, hələ yeni klubla razılığa gəlmədiyini bildirib:
"Xaricdən təkliflərim var, özümü əla formada hiss edirəm, amma yenə də İtaliyada qalmaq istərdim. Görək nə olur, hazırda bir az çaşqın vəziyyətdəyəm".
Qeyd edək ki, 34 yaşlı forvard üçün ötən mövsüm uğursuz alınıb. O, "Cenoa"nın heyətində A Seriyasında cəmi 6 oyunda iştirak edib və fərqlənə bilməyib. Yayda klubdan azad agent kimi ayrılan Balotelli daha əvvəl "İnter", "Milan", "Liverpul" və "Mançester Siti" kimi komandalarda da çıxış edib.
