Sport24.az
"Zaqatala" Birinci Liqanın ən təcrübəli komandalarından biridir". Bu sözləri Sport24.az-a açıqlamasında "Baku Sportinq"in baş məşqçisi Röyal Nəcəfov deyib.
Gənc mütəxəssis komandasının I Liqanın 12-ci turunda "Zaqatala"nı məğlub etdiyi oyunu şərh edib:
"Oyun planlaşdırdığımız kimi getdi və hesabda iki top fərqi ilə önə çıxdıq. Daha sonra rəqib fərqi 1-ə endirdi. Şükür ki, sonda qələbə qazanıb, qış fasiləsinə turnir cədvəlində ikinci pillədə yollandıq. İkinci yerdə olmaq sevindiricidir. Futbolçular sağ olsun, əziyyət çəkdilər. Qış fasiləsindən sonra gərgin mübarizə olacaq. Biz də planımızı ona uyğun qurmuşuq. Ən azı mövsümün sonunda ikinci pillədə olmaq istəyirik. Heyətdə çatışmayan mövqeylərimiz var. Fasilədə 4-5 transfer edib, komandanı daha da gücləndirmək istəyirik. Bu barədə rəhbərliklə danışığımız olub".
Qeyd edək ki, "Baku Sportinq" Birinci Liqada qış fasiləsinə 25 xalla 2-ci pillədə yollanıb.
