Səhər saatlarıdı. İşə cavanlıq dostum, indi taksi sütücüsü kimi fəaliyyət göstərən Azərlə gedirəm. Maşını işə salan kimi şirin Bakı ləhçəsində gözlədiyim mövzuya start verir.
- Gördün da "Qarabağ"ı?! Ala, şişiblər! Bu nədi, ala? İki dənə qırmızı vərəqə olar?! Günah Qurbandadı, 2 aylıq maaşlarını kəssin, quzu balasına dönəcəklər.
- Azər, axı, Qurban belə qərar versə, futbolçular sərt oyundan çəkinəcək.
- Çəkinənlərin də maaşlarını kəssin! Futbolçuya üz verdin, çıxacaq başına. Romaonu göndərsin "dubl"a, ağlı gəlsin başına. Hələ Elvinə bax. Hakimin əlini sıxır, deyir ki, çox sağ ol, məni əziyyətdən qurtardın.
- Yox, ay Azər. O, hakimi rəqibə işləməkdə günahlandırırdı bu əl sıxması ilə…
- Doğrudan? Ala, hakimə bax. Şotlandiyadan idi o, hə?
- Aha.
- Onlar yubka geyinirlər də. Bu nöşün yubkasız idi?! Ala, gedib birini də özü vuraydı da, daha keçib. Qolumuzu saymadı, qapımıza penalti verdi, Juninyonu yerə sərəndə kor oldu, iki oyunçumuzu qovdu. Ala, bunlarda kişilik yoxdu, ala? Elə yubka geyinsələr yaxşıdı, onlardan kişi çıxmaz.
- Qolumuz ofsayddan vurulmuşdu, Romaonun hərəkəti aşkar qırmızı idi.
- (Sözümü kəsərək, avtomobili yolun kənarına verib saxlayır). Bəs Juninyonu yıxanda? Onda da qayda pozulmamışdı? Bəs Medina çiyinlə "Ayaks"ın oyunçusunu sıxanda? Onda necə, penalti var idi? Əyibdü, ala!
- Aha, bu epizodlara görə səninlə razılaşıram. Penaltimizi vermədi hakim. Təyin etdiyi penalti də barmaqdan sovrulub çıxarılmışdı.
- (Maşını yenidən işə salır)…lər də! …ları döymək lazımdı ki, bir də belə hərəkət etməsinlər.
- "İnter"lə oyunun son dəqiqəsində Almeydanın qolunu qeydə almadı Zelinka. Başa düşmürsən ki, biz avropalılar üçün heç vaxt onlardan biri olmayacağıq? Məsələ dünən "Ayaks"a uduzulan oyunda deyil, can qardaş. Biz hər zaman onlar üçün yad qalacağıq. Biz hər zaman ədalətsizliklə üzləşəcəyik. Sən Qarabağı geri alanda üatümüzə gəldilər, indi istəyirsən ki, "Qarabağ"a qarşı ədalətli davransınlar? Olmayacaq, gözləmə!
- Tüpürüm onların şərəfinə!
- Tüpürək, Azər, tüpürək!
CEYHUN ƏLİYEV