Sport24.az
Bədii gimnastika yarışlarının növbəti olimpiya dövrü üçün yeni texniki reqlamenti 2027-ci ildə Bakıda keçiriləcək dünya çempionatından qüvvəyə minəcək bir bəndi nəzərdə tutur. Sport24.az xəbər verir ki, söhbət dünya çempionatında qrup komandalarının sayından gedir.
Əgər növbəti iki ildə mövsümün əsas turnirində qrup yarışları ənənəvi olaraq bütün federasiyalar üçün açıq olacaqsa, 2027-ci ildə Bakıda keçiriləcək dünya çempionatında say baxımından məhdudiyyət qoyulacaq. Onların sayı 29-dan çox olmayacaq.
2026-cı ilin nəticələrinə əsasən, 24 ən yaxşı komanda seçiləcək və onlara qitələrin ən güclüləri də əlavə olunacaq.
Qeyd edək ki, qarşıdakı illərdə dünya çempionatlarına Rio de Janeyro (Braziliya, 2025), Frankfurt (Almaniya, 2026) və Bakı (2027) ev sahibliyi edəcək.
