Lent.az
Keçmiş "Ximki" klubunun futbolçusu Zelimxan Bakayev klubun sabiq investoru Tufan Sadıqova maaş borclarını xatırladıb.
Lent.az xəbər verir ki, futbolçu Tufan Sadıqovla əlaqədə olmasa da, onun bu müsahibəni oxuyacağını düşündüyünü deyib:
"Buna görə də texniki olaraq xatırladım: siz söz verdiniz və Qafqazda sözü tuturlar. Biz o vaxt Tufan üçün yazmırdıq, amma orada bütün komanda oturmuşdu — təsdiqləyərlər".
Mayın 24-də məlum olub ki, "Ximki" Rusiya Futbol Liqasında iştirak üçün lisenziya almayıb. Mayın 28-də isə Rusiya Futbol İttifaqı Moskva ətrafı klubun apellyasiyasını rədd edib. "Ximki" başa çatan çempionat mövsümündə 12-ci yeri tutub.
Əvvəlcə KİV klubun müflis olduğunu və fəaliyyətini dayandıracağını yazmışdı. Bildirilirdi ki, bütün futbolçular və klub əməkdaşlarından öz istəkləri ilə işdən çıxmaq üçün ərizə yazmaları tələb olunub. Futbolçular azad agent statusu alacaq və klubun lisenziyasının rəddindən sonra rəhbərlik borcları ödəməkdən imtina etdiyi üçün maaşlarını ala bilməyəcəklər. Sonradan klubun özü bu məlumatı təkzib edib.
