Sport24.az
"Səbail"in hücumçusu Bahadur Həziyevin Sport24.az-a müsahibəsi
- I Liqanın V turunda "Zaqatala"nı 1:0 hesabı ilə üstələdiniz. Oyunla bağlı nə deyə bilərsən?
- İlk növbədə azarkeşlərimizə təşəkkür edirəm. Hər zaman yanımızdadırlar. Oyun çox maraqlı alındı. Yaxşı temp var idi. Rəqib yaxşı müdafiə olunurdu. Onlar əks-hücumlara üstünlük verirdilər. Hər iki hissədə üstünlük bizdə idi. Çoxlu qol şanslarımız oldu, amma 1 dəfə fərqlənə bildik və üç xal qazandıq.
- Hazırda məğlubiyyətsiz irəliləyirsiniz və I Liqada lidersiniz. Bu, sizdə arxayınlıq yaratmır ki?
- Xeyr. Hələ beş oyunda meydana çıxmışıq. Qarşıda yetəri qədər matçlar var. Belə davam etmək istəyirik. Hər qarşılaşmaya 1 yox, 3 xal üçün çıxırıq. Hədəfimiz çempionluqdur.
- I Liqada çempionluğa iddialı digər komandalar da var. Mövsüm başlayanda belə nəticə gözləyirdiniz?
- Onlardan biri də bizik. Zəif rəqib yoxdur. I Liqada hər kəs mübarizə aparır. Asan olmayacağını əvvəlcədən bilirdik
- Premyer Liqa təcrübən də var. İki liqa arasında fərq çox böyükdür?
- I Liqada daha çox sərt və mübarizəli futbol görürük. Premyer Liqada isə taktika və texnikiya üstünlük verilir.
- Növbəti görüşünüz digər iddialı kollektik "Şəfa"ya qarşı olacaq...
- Düşünürəm ki, bu, altı xallıq matç olacaq. Bu oyuna ciddi yanaşmalıyıq. Meydana da qələbə üçün çıxacağıq.
- Ayın sonunda Azərbaycan Kubokunun II təsnifat mərələsində "Şamaxı" ilə üz-üzə gələcəksiniz. Bu oyun haqqında nə deyə bilərsən?
- Hələlik bu matçı düşünmürük. İndi çempionat oyununa köklənəcəyik.
- Ölkə kubokunda sensasiya ola bilərmi?
- Futbolda hər şey mümkündür.
