Sport24.az
Moskva vilayətini təmsil edən "Ximki"nin sabiq futbolçusu Denis Qluşakov klubun maaş borcu ilə bağlı vəziyyətinə münasibət bildirib. Sport24.az xəbər verir ki, o, bu barədə "Yutub" kanalında yayımlanan "O, futbol" proqramında danışıb:
"Heç vaxt olmayıb ki, Tufan Sadıqov klubda kimisə aldadıb, o, həmişə borcunu ödəyib. Amma o, elə vəziyyətə düşüb ki, hər şey yığılıb qalıb, bütün hesablar bağlanıb. Onun "Ximki"də qalmaq istədiyini bilmirəm. Bank hesabları açılanda o, bütün borclarını ödəyəcək".
Qeyd edək ki, "Ximki"nin futbolçuları maaşlarını ala bilmədiklərinə görə Rusiya çempionatının 25-ci turu çərçivəsində "Zenit"lə oyundan öncə məşqi boykot etmişdilər. Rusiya Peşəkar Liqasının prezidenti Aleksandr Alayevin futbolçularla görüşündən sonra 2024-cü ilin dekabr ayı üçün borclar ödənilib.
