Report.az
Azərbaycanlı futbolçu Vüsal İsgəndərlinin çıxış etdiyi "Boluspor" Türkiyə Kubokunun matçında "Qalatasaray"a 1:4 hesabı ilə məğlub olub.
"Report" xəbər verir ki, C qrupunun II turunun qarşılaşmasında hesabı Vüsal İsgəndərli açıb.
11-ci dəqiqədə adını tabloya yazdıran oyunçu komandasını hesabda irəli çıxarıb. Bununla belə Bolu təmsilçisi qələbə hesabını qoruya bilməyib.
"Sarı-qırmızılar"ın heyətində müvafiq olaraq fərqlənən Alvaro Morata (21), Eyüp Aydın (44), Yusuf Demir (72) və Ahmed Kutucu (75) "Qalatasaray"ın qələbəsində pay sahibi olub.
