Report.az
Azərbaycanın 17 yaşadək futbolçulardan ibarət millisi Belarusun paytaxtı Minskdə təşkil olunacaq gənclər arasında İnkişaf Kuboku turnirində iştrak edəcək.
"Report" AFFA-nın mətbuat xidmətinə istinadən xəbər verir ki, milli B qrupunda Rusiya, İran və Qazaxıstanın müvafiq yaş qrupundan ibarət komandası ilə mübarizə aparacaq.
A qrupunda isə Belarus, Özbəkistan, Tacikistan yığmaları və Braziliyanın "BSA Akademiyası" komandası çıxış edəcək.
Qrup mərhələsinin oyunlarından sonra fevralın 21-də həlledici görüşlər təşkil olunacaq. Qrup birinciləri çempionluq, ikinciləri üçüncü yer, üçüncüləri beşinci yer, dördüncüləri isə yeddinci yer uğrunda qarşılaşacaqlar.
Millinin oyunlarının təqvimi də bəlli olub. İlham Yadullayevin baş məşqçisi olduğu komanda fevralın 16-da Rusiya, 17-də İran, 19-da isə Qazaxıstanla üz-üzə gələcək.
16 fevral
16:10. Rusiya – Azərbaycan
17 fevral
12:00. Azərbaycan – İran
19 fevral
14:20. Qazaxıstan – Azərbaycan
Yığma yarışa hazırlıq məqsədilə fevralın 11-dən 13-nə kimi Bakıda təlim məşq toplanışında iştirak edəcək.
| S. | Ad / Soyad | Klub |
| 1 | Rauf Əyyubov | Sabah FK |
| 2 | Elbrus Kərimov | Marcet FU (İspaniya) |
| 3 | Murad Qurbanov | Zirə FK |
| 4 | Amin Rzayev | Qarabağ FK |
| 5 | Həzrət Səmədov | Sabah PFK |
| 6 | Tunar Muradov | Turan Tovuz PFK |
| 7 | Tuncay Əhmədov | Marcet FU (İspaniya) |
| 8 | Fərid Cabbarlı | Zirə FK |
| 9 | Nadir Nəsibli | Marcet FU (İspaniya) |
| 10 | Muhamməd Çodarov | Marcet FU (İspaniya) |
| 11 | İbrahim Xəlilov | Sabah FK |
| 12 | Əli Qazibəyov | Qarabağ FK |
| 13 | İmran Suleymanzadə | Zirə FK |
| 14 | Ariz Kərimov | Qəbələ FK |
| 15 | Abdulaziz Cabbarlı | Qarabağ FK |
| 16 | Əhliman Süleymanzadə | Zirə FK |
| 17 | Emil Usubov | Zirə FK |
| 18 | Tunar Rzayev | Marcet FU (İspaniya) |
| 19 | Əhməd Vəliyev | Qarabağ FK |
| 20 | Əli İbrahim | Qarabağ FK |
Qeyd edək ki, İnkişaf Kuboku fevralın 14-dən 22-dək keçiriləcək. Oyunların başlama saatı Bakı vaxtı ilə göstərilib.
