İdman.biz
2024-cü ilin payızı Azərbaycanın U-19 və U-17 yığmalarının uğursuzluğu ilə əlamətdar olub.
İdman.biz xəbər verir ki, AVRO-2025-in seçmə mərhələsində çıxış edən komandalarımızın hər ikisi mübarizəni dayandırıb.
Millilər keçirdikləri 6 oyunda qələbə də qazana bilməyiblər. Hər yığma bir heç-heçə ilə kifayətlənib.
Ümumilikdə isə iki komanda birlikdə 2 heç-heçə edib və 4 dəfə uduzub. Bu 6 oyunda 3 qola imza atan futbolçularımız 13 top buraxıblar.
Bu, iki yolmanın nəticələrinə əsasən son 12 ildə ən böyük uğursuzluqdur.
2012/13 mövsümündə 6 oyunda cəmi 1 xal əldə olunub. Sonrakı illərdə isə nəticələr indikindən yaxşı alınıb. Düzdür, həm 2013/14, həm də 2023/24 mövsümlərində millilərin qazancı indiki kimi 2 xala bərabər olub. Amma hər iki halda top fərqi daha yaxşı idi.
Yığmalarımızın çıxışı ilə bir antirekord da təkrarlanıb. Ardıcıl 2 mövsüm qələbə qazanmayan millilər yalnız bir dəfə belə seriya ilə üzləşib. 2012/13 və 2013/14 mövsümlərində də üst-üstə 12 matçda bir dənə də qalibiyyət sevinci yaşanmayıb.
Qeyd edək ki, 2020/21 mövsümündə koronovirus pandemiyası üzündən U-19 və U-17-lərin qitə çempionatı keçirilməyib. 2014/15 mövsümündə hər iki, 2018/19 mövsümündə bir yığmamız mərhələ adladığı üçün oyun sayı daha çox alınıb.
| 2012/13 | 6 | 0 | 1 | 5 | 4-17 | -13 | 1 |
| 2013/14 | 6 | 0 | 2 | 4 | 6-15 | -9 | 2 |
| 2014/15 | 12 | 2 | 2 | 8 | 8-29 | -21 | 8 |
| 2015/16 | 6 | 2 | 1 | 2 | 3-11 | -8 | 7 |
| 2016/17 | 6 | 2 | 0 | 4 | 6-11 | -5 | 6 |
| 2017/18 | 6 | 1 | 1 | 4 | 5-19 | -14 | 4 |
| 2018/19 | 9 | 2 | 1 | 6 | 8-20 | -12 | 7 |
| 2019/20 | 6 | 1 | 0 | 5 | 3-15 | -12 | 3 |
| 2020/21 | - | - | - | - | - | - | - |
| 2021/22 | 6 | 1 | 0 | 5 | 3-11 | -8 | 3 |
| 2022/23 | 6 | 1 | 0 | 5 | 11-13 | -2 | 3 |
| 2023/24 | 6 | 0 | 2 | 4 | 4-13 | -9 | 2 |
| 2024/25 | 6 | 0 | 2 | 4 | 3-16 | -13 | 2 |
Vüqar Xeyrullayev
İdman.biz
