Report.az
Azərbaycan millisinin kapitanı Elvin Əlizadə minifutbol üzrə dünya çempionatında 1/4 finala yüksəldikləri üçün xoşbəxt olduğunu bildirib.
"Report"un məlumatına görə, futbolçu bunu Rumıniya ilə oyundan sonra jurnalistlərə açıqlamasında deyib.
O, qalib gəldikləri qarşılaşmanı şərh edib:
"Şükürlər olsun ki, çətin rəqibim qarşısında qələbə qazandıq. Düşünürəm ki, mundialdakı ən çətin rəqibi mübarizədən kənarlaşdırdıq. Yarışın ən çətin növbəti komandası isə Serbiyadır. Növbəti mərhələdəki rəqibimiz İngiltərə olacaq. İnanırıq ki, onlara da qalib gələrək yarımfinala adlayacağıq. İngiltərə minifutbolda yenidir. Düşünürəm ki, rəqibdən daha güclüyük".
Qeyd edək ki, yığma Rumıniya ilə əsas vaxtı 1:1 hesabı ilə başa çatan matçın penaltilər seriyasında qələbə (2:1) qazanaraq növbəti mərhələyə adlayıb.
