Report.az
Slovakiyada təşkil ediləcək beynəlxalq turnirdən sonra Azərbaycan minifutbol yığmasının Bakıda keçiriləcək dünya çempionatına hazırlıq səviyyəsi bəlli olacaq.
Bunu "Report"a açıqlamasında yığmanın baş məşqçisi Elşad Quliyev deyib.
Mütəxəssis hər şeyin plan üzrə getdiyini deyib:
"Bu, ikinci toplanışımız idi və yaxşı keçdi. Bizim üçün önəmli oyunlar idi. Bu gün Slovakiyaya yollanacağıq. Orada da turnir keçiriləcək və bizi bir neçə matç gözləyir. Dünya çempionatına nə dərəcədə hazır olduğumuz bu oyunlardan sonra bilinəcək. Digər çatışmazlıqları da Bakıda aradan qaldırmağa çalışacağıq. Əsas odur ki, planlaşdırdıqlarımızı meydanda həyata keçirə bilək. Hələlik hər şey qaydasındadır".
O, Slovakiyadakı turnirdə bütün futbolçulara şans vermək niyyətində olduğunu vurğulayıb.
"Slovakiyada da beynəlxalq turnir olacaq. Azərbaycanla yanaşı, Ukrayna, Slovakiya, Polşa, Belçika və Macarıstan iştirak edəcək. Bu komandaların hər biri dünya çempionatında mübarizə aparacaq. Güclü turnir olacaq. Məqsədimiz təkcə çempion olmaq deyil. Bura 22 futbolçu ilə gəlmişik. Hər birinə şans verməyə çalışırıq. Məqsədimiz onların böyük oyunlarda bizə nə dərəcədə kömək edə biləcəyini görməkdir. İstənilən halda, rəqiblərə uduzmaq fikrimiz yoxdur".
Qeyd edək ki, Azərbaycan millisi Monteneqronun Herseq Novi şəhərində təşkil olunan beynəlxalq turnirin qalibi olub. Komanda Bosniya və Herseqovina (7:2), Türkiyə (1:0), Monteneqro (3:2) və Qazaxıstan (5:0) yığmalarını məğlub edib.
Elşad Quliyevin rəhbərlik etdiyi komanda dünya çempionatının A qrupunda Sloveniya, Mavritaniya və Bəhreynlə mübarizə aparacaq. 32 yığmanın iştirak edəcəyi mundial mayın 21-dən iyunun 1-dək Milli Gimnastika Arenasında təşkil olunacaq.
Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.
Saytımızda siz tapa bilərsiniz:
Futbol: yerli və beynəlxalq liqalar, xüsusi diqqət — "Qarabağ" FK
Tennis, şahmat, gimnastika, voleybol, basketbol
Döyüş növləri: boks, güləş, cüdo
Formula 1 və Olimpiya Oyunları
Eləcə də diqqətəlayiq digər idman növləri
Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.
Niyə məhz Sportnews.az:
Yalnız aktual və etibarlı xəbərlər
Azərbaycan və dünya idmanının tam əhatəsi
Rahat struktur, müntəzəm yenilənmələr, obyektiv baxış
Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.
