Sport24.az
DÇ-2026-nın seçmə mərhələsində Bakıda üz-üzə gələcək Azərbaycan və Ukrayna yığmaları daha əvvəl iki dəfə qarşılaşıblar. Sport24.az-ın məlumatına görə, millilərin hər iki matçı yoldaşlıq qarşılaşmasına təsadüf edib.
İlk görüş 2006-cı ilin fevralında baş tutub. Həmin vaxt Bakıdakı oyun qolsuz heç-heçə ilə yekunlaşıb. Avqustda komandalar Kiyevdə yenidən yoldaşlıq matçında üz-üzə gəliblər. Bu dəfə meydan sahibləri altı cavabsız qolla qalib gəlib.
Qeyd edək ki, Azərbaycan – Ukrayna qarşılaşması sentyabrın 9-da, saat 20:00-da Tofiq Bəhramov adına Respublika Stadionunda baş tutacaq. Millimiz ilk turda İslandiyaya 0:5, qonaqlar isə Fransaya 0:2 hesabı ilə uduzub.
