Sport24.az
Azərbaycan ötən həftə ilə müqayisədə UEFA-nın əmsallar cədvəlində geriləyib. Sport24.az xəbər verir ki, bu həftə keçirilən avrokubok matçlarında 3 komandadan yalnız biri reytinqə xal əlavə edə bilib.
"Qarabağ" Çempionlar Liqasında "Ludoqorets"ə (1:2), "Sabah" isə Konfrans Liqasında "Sent Patriks"ə (İrlandiya) uduzub (0:1). Yalnız "Zirə" səfərdə "Osiyek"lə görüşdə heç-heçə (1:1) edib. "Qartallar"ın sayəsində Azərbaycanın reytinqinə daha 0.125 xal əlavə olunub. Hazırda aktivində 18.500 xal olan Azərbaycan ötən həftə ilə müqayisədə 1 pillə geriləyərək 24-cü yerə düşüb.
23-cü pilləyə isə Slovakiya yüksəlib (18.750 xal). 25-ci pilləni bölüşdürən yer İsveç və Bolqarıstanın isə 18.375 xalı var.
Qeyd edək ki, reytinqə cədvəlinə 89.160 xalla İngiltərə başçılıq edir.
