Idman.biz
Bu gün 19 yaşadək futbolçulardan ibarət milli komandalar arasında Avropa çempionatının 2026/2027 mövsümü üzrə birinci seçmə mərhələsinin püşkü atılıb.
İdman.Biz AFFA-nın rəsmi saytına istinadən xəbər verir ki, püşkatma mərasimində Azərbaycan millisinin rəqibləri müəyyənləşib.
B Liqasının altıncı qrupunda yer alan U-19 Şimali İrlandiya və Litva yığmaları ilə mübarizə aparacaq.
Birinci seçmə mərhələnin oyunları 2026-cı il martın 23-dən 31-də keçiriləcək.
09:36
Bu gün "Qarabağ" klubunun U-19 komandası UEFA Gənclər Liqasının əsas mərhələsində sonuncu matçına çıxacaq.
İdman.Biz xəbər verir ki, Rəşad Sadiqovun baş məşqçisi olduğu kollektiv Bakıda Niderland təmsilçisi "Ayaks"ın müvafiq yaş qrupundan ibarət komandası ilə qarşılaşacaq.
Görüş "Azərsun Arena"da, saat 14:00-da start götürəcək. Əsas mərhələnin VI turunun (sonuncu turun) matçını macarıstanlı FIFA referisi Marton Ruş idarə edəcək.
Qeyd edək ki, əvvəlki beş qarşılaşmanın hamısında məğlub olan U-19 35-ci pillədə qərarlaşıb. Qonaqlar 7 xalla 22-cidir.
Xatırladaq ki, UEFA Gənclər liqasının əsas mərhələsi ümumilikdə 6 turdan ibarət olur.
