Sport24.az
Avropa Voleybol Konfederasiyası çimərlik voleybolu üzrə klubların nəticələrinə görə ölkələrin reytinqini açıqlayıb. Sport24.az xəbər verir ki, Azərbaycan həm qadınların, həm də kişilərin sıralamasında 1-ci yerdə qərarlaşıb.
Ölkəmiz qadınların reytinqində 75, kişilərin siyahısında 90 xala malikdir. Bu xallar 2023 və 2024-cü illərdə komandalarımızın klublararası Avropa kubokunda uğurlu çıxışı sayəsində artıb.
2023-cü ildə "Murov Az Terminal"ın kişilərdən ibarət komandası, 2024-cü ildə isə "Azərreyl"in həm qadın, həm də kişi komandaları Avropa kubokunun qalibi olublar.
