Report.az
Azərbaycanın qadın futbolçulardan ibarət millisi Qazaxıstanda təşkil olunan təlim-məşq toplanışı çərçivəsində növbəti matçını keçirib.
"Report" xəbər verir ki, Siyasət Əsgərovun baş məşqçisi olduğu kolektiv Qazaxıstanla qarşılaşıb.
Çimkənd şəhər stadionunda keçirilən qarşılaşma yığmanın 1:0 hesablı qələbəsi ilə başa çatıb. Yeganə qolu 82-ci dəqiqədə Nigar Mirzəliyeva vurub.
Qeyd edək ki, komandalar arasında oktyabrın 24-də keçirilən ilk oyunda Azərbaycan millisi 2:1 hesablı qələbə qazanmışdı.
