Idman.biz
2024/25 mövsümündə Azərbaycan Premyer Liqasının oyunçularının ümumi bazar dəyəri 102,03 milyon avrodur.
İdman.biz Transfermarkt-a istinadən xəbər verir ki, ötən mövsüm 264 futbolçunun çıxış etdiyi liqada on komanda iştirak edib.
Onlardan 122-si legionerdir ki, bu da ümumi oyunçuların 46,2 faizini təşkil edir.
Liqanın futbolçularının orta yaşı 27, bir oyunçunun orta bazar dəyəri isə 386 min avrodur.
Ən qiymətli ulduz 2,5 milyon avro dəyərləndirilən "Qarabağ"ın braziliyalı sağ cinah oyunçusu Kadi Borxesdir. Ağdam təmsilçisinin bu oyunçularının qiyməti də diqqəti cəkir: Leandro Andrade (2 milyon avro), Aleksey Kaşuk və Nəriman Axundzadə (hər biri 1,8 milyon avro) və qapıçı Mateuş Koçalski (1,5 milyon avro).
Heyətinin ümumi bazar dəyərinə görə klublar arasında "Qarabağ" liderdir - 22,25 milyon avro. Sıralamada "Zirə" (12,53 milyon avro) 2-ci, "Sabah" (12,45 milyon avro) isə 3-cüdür. Ən aşağı qiymət isə "Şamaxı"ya məxsusdur - 4,83 milyon avro.
İdman.biz
