Sport24.az
Rumıniyanın "Braşov" klubunda çıxış edən Azərbaycan millisinin voleybolçusu Andrey Melnikov yeni ildə dünyanın ən titullu klublarından birinə qarşı oynayacaq. Sport24.az xəbər verir ki, CEV kubokunun pley-off mərhələsində Rumıniya təmsilçisi klublar arasında 5 qat dünya çempionu, 4 dəfə Çempionlar Liqasının qalibi İtaliya "Trentino"su ilə qarşılaşacaq.
İlk oyun 2025-ci il yanvarın 15-də Rumıniyada, cavab qarşılaşması isə yanvarın 30-da İtaliyada keçiriləcək.
Qeyd edək ki, 1/8 final mərhələsində "Braşov" TTU-nu (Estoniya) mübarizədən kənarlaşdırıb, "Trentino" isə "Benfika"dan (Portuqaliya) güclü olub.
