Sport24.az
Azərbaycan millisinin sabiq futbolçusu Abdulla Abatsiyev həbs olunub. Sport24.az xəbər verir ki, 31 yaşlı yarımmüdafiəçi külli miqdarda dələduzluqla bağlı cinayət işi üzrə saxlanılıb.
Hadisə Rusiyanın paytaxtı Moskvada baş verib.
O, cinayətkarların 79 yaşlı təqaüdçünü 14 milyon rublu təhvil verməyə razı sala bildiyi dələduzluq sxemində kuryer kimi fəaliyyət göstərib.
Qeyd edək ki, Abdulla Abatsiyev 2014-cü ilin mayında ABŞ-la yoldaşlıq oyununda (0:2) Azərbaycan millisinin heyətində bir oyun keçirib. O, "İnter" (hazırkı "Şamaxı") və "Sumqayıt"ın da formasını geyinib.
