Idman.biz
Azərbaycan milli komandası D qrupunda keçirilən 2026-cı il dünya çempionatının seçmə mərhələsini son dərəcə zəif göstəricilərlə başa vurub. Komanda altı oyun keçirib, heç bir qələbə qazanmayıb, bir dəfə heç-heçə edib və beş dəfə məğlub olub. Yığma üç qol vurub, 16 qol buraxıb və seçmə mərhələni cəmi bir xalla tamamlayıb.
İdman.Biz-in məlumatına görə, tarixi göstəricilərə nəzər yetirdikdə aydın olur ki, bu, Azərbaycan millisinin ən uğursuz seçmə kampaniyalarından biri olsa da, ilk belə hal deyil.
Bu, komandanın seçmə mərhələni bir xal ilə başa vurduğu dördüncü hadisədir. Bundan əvvəl analoji nəticə AÇ-1996-nın seçmə mərhələsində (10 oyun, bir heç-heçə, doqquz məğlubiyyət, top fərqi 2–29), AÇ-2020-də (səkkiz oyun, bir heç-heçə, yeddi məğlubiyyət, 5-18) və DÇ-2022-də (səkkiz oyun, bir heç-heçə, yeddi məğlubiyyət, 5-18) qeydə alınıb.
Qeyd edək ki, Azərbaycan millisi heç bir seçmə mərhələni sıfır xalla başa vurmayıb - hər dəfə ən azı bir heç-heçə ilə komandanın aktivinə minimal nəticə yazdırıb.
Qollarla bağlı statistikalar da azalmanın miqyasını göstərir. DÇ-2026-nın seçmə mərhələsində vurulan üç qol mütləq antirekord olmasa da, milli komandanın tarixində ən zəif göstəricilər sırasında yer alır.
Mütləq minimum DÇ-2006 seçmə mərhələsində qeydə alınıb - on oyunda cəmi bir qol vurulub, 21 qol buraxılıb. İkinci ən zəif nəticə isə AÇ-1996 seçmə mərhələsinə aiddir - iki qol və 29 buraxılan top.
Millimiz daha iki dəfə seçmə mərhələni üç qolla bitirib: DÇ-1998-də (8 oyun, top fərqi 3–22) və hazırkı DÇ-2026 seçmə mərhələsində (6 oyun, 3–16). Digər kampaniyalarda komanda ən azı dörd-beş qol vurub.
Qeyd edək ki, millinin seçmə mərhələlər üzrə xal rekordunun müəllifi DÇ-2018 kampaniyasıdır. Həmin vaxt komanda 10 xal toplayıb: 10 oyun, üç qələbə, bir heç-heçə, altı məğlubiyyət, top fərqi 10-19. Azərbaycan heç bir Avropa çempionatının seçmə mərhələsində yeddidən artıq xal toplamayıb. Bu səbəbdən 10 xallıq rekord yalnız DÇ-2018-ə aid deyil, bütün DÇ və AÇ seçmə mərhələləri üzrə ümumi rekord sayılır.
Millinin ən yaxşı top fərqi göstəricisi isə - 4 olub. Bu nəticə DÇ-2014 seçmə mərhələsində qeydə alınıb: 10 oyun, bir qələbə, altı heç-heçə, üç məğlubiyyət, top fərqi 7-11.
Teymur Tuşiyev
