Report.az
19 yaşadək futzalçılardan ibarət Azərbaycan millisi Avropa çempionatının əsas mərhələsində növbəti oyununu bu gün keçirəcək.
"Report"un məlumatına görə, VII qrupda yer alan İlqar Aslanovun baş məşqçisi olduğu kollektiv meydan sahibləri Xorvatiya ilə üz-üzə gələcək.
Omiş şəhərindəki Ribnyak İdman Sarayında baş tutacaq qarşılaşma Bakı vaxtı ilə saat 22:00-da start götürəcək.
Qeyd edək ki, U-19 ötən gün Bosniya və Herseqovinaya 2:10 hesabı ilə uduzub.
