Idman.biz
"Sabah" komandası Bizon Azərbaycan Kubokunda 1/4 finala yüksəlib.
İdman.Biz xəbər verir ki, Bakı klubu 1/8 finalda "İmişli" ilə qarşılaşıb. Görüşün əsas vaxtı 1:1 hesablı heç-heçə ilə yekunlaşıb. Əlavə vaxtda daha bir top vuran paytaxt təmsilçisi növbəti mərhələyə yüksəlib.
Valdas Dambrauskasın komandası 1/4 finalda "Qəbələ" - "Şəfa" matçının qalibi ilə üz-üzə gələcək.
Günün ilk görüşündə "Şamaxı" doğma meydanda "Baku Sportinq"i 1:0 hesabı ilə məğlub edib.
1/4 finala vəsiqə qazanan Şamaxı təmsilçisi bu raundda "Qarabağ" - "Karvan-Yevlax" duelinin güclüsü ilə qarşılaşacaq. Bu görüş saat 19:00-da start götürəcək.
Qeyd edək ki, ötən gün keçirilən matçlardan sonra "Turan Tovuz" və "Zirə" 1/4 finala vəsiqə qazanıb. Ölkə kubokunda 1/8 final mərhələsinin oyunlarına dekabrın 4-də yekun vurulacaq.
09:20
Bu gün Bizon Azərbaycan Kubokunda 1/8 final mərhələsinin daha üç oyunu keçiriləcək.
İdman.Biz xəbər verir ki, qarşılaşmalardan ikisi bölgədə, biri isə paytaxtda baş tutacaq.
"Şamaxı" "doğma divarlar" arasında I Liqa təmsilçisi "Baku Sportinq"i qəbul edəcək. Qubada isə "İmişli" "Sabah"la üz-üzə gələcək.
İkinci oyun gününə "Azersun Arena"da yekun vurulacaq. "Qarabağ" ötən həftə Misli Premyer Liqasının XIII tur çərçivəsində məğlub etdiyi (2:0) "Karvan-Yevlax"la qarşılaşacaq.
Bizon Azərbaycan Kuboku
1/8 final mərhələsi
14:00. "Şamaxı" - "Baku Sportinq"
Hakimlər: İnqilab Məmmədov, Namiq Hüseynov, Rahil Ramazanov, Elvin Bayramov
Hakim-inspektor: Əmrah İbrahimov
AFFA nümayəndəsi: Eldəniz Musayev
Şamaxı şəhər stadionu
14:00. "İmişli" - "Sabah"
Hakimlər: Kamal Umudlu, Vüsal Məmmədov, Şirmamed Mamedov, Əkbər Əhmədov
VAR: Fərid Hacıyev
AVAR: Vüqar Həsənli
Hakim-inspektor: Zöhrab Qədiyev
AFFA nümayəndəsi: Rüfət Əmirov
Quba Olimpiya Kompleksinin stadionu
19:00. "Qarabağ" - "Karvan-Yevlax"
Hakimlər: Əliyar Ağayev, Zeynal Zeynalov, Akif Əmirəli, Nicat İsmayıllı
VAR: Rəşad Əhmədov
AVAR: Emin Əliyev
Hakim-inspektor: Şahin Cəfərov
AFFA nümayəndəsi: Bəhram Qurbanov
"Azersun Arena"
Qeyd edək ki, ölkə kubokunun 1/8 final mərhələsində iki görüş baş tutub. "Turan Tovuz" "Şahdağ Qusar"ı (2:1), "Zirə" isə "Neftçi"ni (1:0) məğlub edərək mübarizədən kənarlaşdırıb. Onu da vurğulayaq bu mərhələnin oyunları bir qarşılaşmadan ibarətdir.
