top
Azərbaycan futbol tarixində ilk dəfə: kişi komandasını qadın məşqçi çalışdıracaq! Qol.az
07 may 2025, 00:08
- +

Azərbaycan futbol tarixində ilk dəfə: kişi komandasını qadın məşqçi çalışdıracaq!

Xaçmazın "Şimal" futbol komandası Azərbaycan 2-ci Liqasında uğurla çıxış edərək, sona 3 tur qalmış bürünc medalları təmin edib. Bununla da klub növbəti mövsümdə 1-ci Liqada iştirak hüququ qazanıb. 

Yeni liqanın hazırlıqlarına başlayan "Şimal" məşqçilər korpusunu da gücləndirib. Baş məşqçi postuna bir vaxtlar "Bakılı", "Karvan", "Xəzər-Lənkəran", "Qarabağ" klublarında oynayan, həmçinin Azərbaycan milli komandasının heyətində çıxış etmiş Zaur Ramazanov təyin edilib. Digər diqqətçəkən təyinat isə əsas komandanın qapıçılarla işləyən məşqçisi ilə bağlıdır. Belə ki, Azərbaycanda ilk dəfə kişilərdən ibarət futbol komandasına qadın məşqçi təyinatı reallaşıb. "Şimal" komandasında bu vəzifə 28 yaşlı gənc mütəxəssis Zülfiyyə Bayramovaya həvalə olunub.

QOL.az xəbər verir ki, Zülfiyyə Bayramova "Şimal" komandasına məşqçi kimi təyinatı ilə bağlı "AZƏRTAC" agentliyinə müsahibəsində bildirib ki, 2018-ci ildən "C" kateqoriya məşqçilik sertifikatına sahibdir. O, AFFA tərəfindən keçirilən məşqçilik təlimlərinə qatılaraq, bu kateqoriyanı əldə edib.

"On üç ildən çoxdur müxtəlif komandaların heyətində futbol oynayıram. Qapıçı mövqeyində çıxış edirəm. Bununla yanaşı məşqçilik kurslarını da bitirmişəm. Bundan əvvəl uşaq komandalarında məşqçilik təcrübəm var. Doğma rayonumuzu təmsil edən "Şimal" futbol klubundan əsas komandanın qapıçılarla işləyən məşqçisi olmaq təklifi gəldi. Bu komanda mənə yad deyil. Klubun məşqçilər heyətində mənim futbolçu kimi yetişməyimdə zəhməti olan Fazil Salahov da var. Kluba keçməyimdə onun böyük rolu oldu. Klubla 2025-2026-cı il mövsümünün sonuna kimi müqavilə imzalamışıq. Hazırda "Şimal" 2-ci Liqada son oyunlarını keçirir. Növbəti mövsümdən 1-ci Liqada çıxış edəcəyik. 1-ci Liqaya hazırlıq çərçivəsində komandada aktiv fəaliyyətə başlayacağam. Doğma rayonumuzun komandasına əlimdən gələn köməyi etməyə hazıram", - deyə Zülfiyyə Bayramova söyləyib.

Zülfiyyə 1997-ci il aprelin 4-də Xaçmazın Arzu kəndində doğulub. Uşaq yaşlarından məhəllədə oğlanlarla futbol oynayıb. 2012-ci ildən Xaçmazda həvəskar səviyyədə klubda çıxış etməyə başlayıb. İstedadlı qolkiper karyerası ərzində "ŞKGB" (Xaçmaz), "Qusar", "Binə" (Bakı), "Sumqayıt", "Qəbələ", "İnter" (Xaçmaz) komandalarının heyətində yer alıb. "Qəbələ" ilə Azərbaycan çempionu və gümüş mükafatçı olub. Ötən ildən "Baku Juniors" qadın futbol komandasının üzvüdür.

Həmsöhbətimiz qadınlardan ibarət Azərbaycan milli komandasının şərəfini də qoruyub. Millidə daha çox ehtiyat qolkiper funksiyasını yerinə yetirən xaçmazlı gənc bir sıra beynəlxalq yarışların da iştirakçısı olub.

"Kişilərdən ibarət komandada işləmək məni qorxutmur. "Aslanın erkəyi, dişisi olmaz" deyiblər. Mən futbolçu karyeramda daim kişi kollektivlərində çalışmışam. Ümidvaram ki, bu təyinat karyeramda yüksəlişə səbəb olacaq",- deyə Zülfiyyə Bayramova söyləyib.

Qarabağ FK

Son xəbərlər

Futbol
Bu gün, 05:22

Kamilo Duran: "Qələbəyə görə çox çalışdıq və təslim olmadıq"

Futbol
Bu gün, 04:57

"Yuventus" - "Borussiya" matçı Çempionlar Liqası tarixində ən məhsuldar ikinci hissə ilə yadda qalıb

Futbol
Bu gün, 04:18

Andrade: "Hər şeyin mümkün olduğuna inanmalısan"

Futbol
Bu gün, 03:43

Otamendi "Qarabağ"a məğlubiyyətdən sonra: "Azarkeşlərdən üzr istəməkdən başqa çarəmiz yoxdur"

Basketbol
Bu gün, 03:32

"Sabah" Litva Təlim-Məşq Toplanışını "Rytas"a Məğlubiyyətlə Tamamladı

Futbol
Bu gün, 02:59

"Benfika" - "Qarabağ" matçının ən yaxşı oyunçusu Pedro Bikalyo seçilib

Futbol
Bu gün, 02:54

"Benfika"nın baş məşqçisi "Qarabağ"a məğlubiyyətə görə istefa verə bilər

Futbol
Bu gün, 02:49

Tahir Gözel "Benfika" üzərindəki qələbəni Prezident İlham Əliyevə həsr etdi

Futbol
Bu gün, 02:40

"Zirə" "Şamaxı" matçına hazırlıqlarını davam etdirir

Futbol
Bu gün, 02:35

"Qarabağ"ın "Benfika" üzərində sensasiyalı qələbəsi: Komanda ruhunun zəfəri

Futbol
Bu gün, 02:34

Kamilo Duran: "Asan olmayacağını bilirdik, çox çalışdıq və üç xalı qazandıq, sona qədər təslim olmadıq"

Futbol
Bu gün, 02:22

Otamendi "Qarabağ"a məğlubiyyətə görə azarkeşlərdən üzr istədi

Futbol
Bu gün, 02:21

Bruno Laji "Qarabağ"a məğlubiyyəti şərh edib: Gözləmədiyimiz nəticə

Futbol
Bu gün, 02:13

Brunu Laje: İlk qoldan sonra nəzarəti itirdik

Futbol
Bu gün, 02:07

AFFA prezidenti Rövşən Nəcəf "Qarabağ"ın "Benfika" üzərində qələbəsini təbrik edib

Futbol
Bu gün, 02:00

Rui Koşta "Qarabağ"ın geri dönüşünə inanmadı: Şok və Baş tutma - FOTO

Futbol
Bu gün, 01:59

AFFA prezidenti Rövşən Nəcəfin "Qarabağ"ın "Benfika" üzərində qələbəsinə təbriki

Futbol
Bu gün, 01:53

"Benfika"nın məğlubiyyəti: Baş məşqçi səbəbi əsaslandırmaqda çətinlik çəkir

Futbol
Bu gün, 01:51

Qurban Qurbanov: "Bu, asan qələbə deyildi"

Futbol
Bu gün, 01:41

Rövşən Nəcəfdən "Qarabağ"a "Benfika" üzərində qələbə münasibətilə təbrik

Futbol
Bu gün, 01:38

Qurban Qurbanov "Benfika" qalibiyyətindən sonra: "Futbolçularım daha çox əziyyət çəkdi, istəkli oldu"

Futbol
Bu gün, 01:38

Qurban Qurbanov: Çempionlar Liqasında ilk qələbə münasibətilə bütün azərbaycanlıları təbrik edirəm

Futbol
Bu gün, 01:34

"Qarabağ"ın "Benfika" üzərində qələbəsi Azərbaycanı UEFA reytinqində irəlilətdi

Futbol
Bu gün, 01:31

Çempionlar Liqası: "Real" və "Tottenhem"dən qələbələr, "Yuventus" - "Borussiya" matçında bol qollar, "Qarabağ"dan sensasiyalı qələbə

Oxşar xəbərlər