Idman.biz
Azərbaycan Birinci Liqasında 12-ci turun qarşılaşmaları başa çatıb.
İdman.Biz xəbər verir ki, turun ikinci oyun günündə iki görüş keçirilib. İlk görüşdə MOİK lider "Şəfa" ilə qarşılaşmada 0:2 hesabı ilə məğlub olub.
Elgiz Kərəmlinin baş məşqçisi olduğu "Şəfa" komandası "hərbçilər" üzərində inamlı qələbə qazanaraq turnir cədvəlində liderliyini daha da möhkəmləndirib.
Turun, eləcə də ilin son oyunu isə Ağsuda baş tutub. Yerli "Difai" komandası doğma meydanda "Cəbrayıl"ı qəbul edib. Autsayderlər sırasında yer alan "Difai" Cavid Hüseynovun rəhbərlik etdiyi "Cəbrayıl" üzərində 5:2 hesablı qələbə qazanaraq azarkeşlərini sevindirib.
Qeyd edək ki, 12-ci turun əvvəlki oyun günündə "Mingəçevir" "Şahdağ Qusar"la 1:1 hesablı heç-heçə edib, "Səbail" doğma meydanda "Şimal"a 3:4 hesabı ilə uduzub, "Baku Sportinq" isə "Zaqatala" üzərində 2:1 hesablı qələbə qazanıb.
10:39
Bu gün futbol üzrə Azərbaycan Birinci Liqasında 2025-ci ilin son qarşılaşmaları keçiriləcək.
İdman.Biz xəbər verir ki, 12-ci turun ikinci oyun günündə azarkeşləri iki maraqlı matç gözləyir.
Günün ilk görüşündə turnir cədvəlinin lideri "Şəfa" MOİK-lə üz-üzə gələcək. Binə qəsəbə stadionunda baş tutacaq qarşılaşmanın start fiti saat 14:00-da səslənəcək.
Digər oyunda isə Ağsu şəhər stadionunda "Difai" və "Cəbrayıl" komandaları münasibətlərinə aydınlıq gətirəcək. Bu matç saat 14:30-da başlanacaq.
