Report.az
Güclü idmançılar arasında altıncı yeri tutduğum üçün şadam.
Bunu "Report"a açıqlamasında Niderlandın Apeldorn şəhərində qapalı məkanda keçirilən Avropa çempionatında iştirak edən Azərbaycan atleti Rüstəm Məmmədov deyib.
Üçtəkanla tullanma növündə mübarizə aparan idmançı yarışın maraqlı keçdiyini bildirib:
"Güclü rəqiblər var idi. Yaxşı mübarizəyə də şahidlik etdik. Bu, mənim böyüklər arasında ilk Avropa çempionatım idi. Güclü idmançılar arasında altıncı yeri tutduğum üçün şadam. Bu yarış mənə böyük təcrübə qazandırdı. Bu il Səudiyyə Ərəbistanın paytaxtı Ər-Riyadda təşkil olunacaq VI İslam Həmrəyliyi Oyunlarında iştirakı planlaşdırıram. Orada medalçılar sırasında olmağı hədəfləyirəm. Bunun üçün əlimdən gələni edəcəyəm".
Qeyd edək ki, Rüstəm Məmmədov Avropa çempionatında 16.40 metr nəticə ilə 6-cı yeri tutub.
