Sport24.az
"Kəpəz"də struktur dəyişikliyi davam edir. Sport24.az-ın əldə etdiyi məlumata görə, "sarı-göylər"in futbol akademiyasının yeni rəhbəri artıq müəyyənləşib.
Kluba yaxın mənbədən əldə etdiyimiz bilgiyə əsasən, Azər Məmmədov Gəncə təmsilçisinin futbol akademiyasında əsas söz sahibi olacaq. Onun təyinatı yaxın günlərdə ictimaiyyətə açıqlanacaq.
Qeyd edək ki, Məmmədovun son iş yeri "Səbail" olub. O, "dənizçilər"in sabiq baş məşqçisi Şahin Diniyevin köməkçisi funksiyasını yerinə yetirib.
