Idman.biz
"Üç oyundur standart vəziyyətdən qol buraxırıq. Futbolçulara tapşırıq versək də, yenə qol buraxdıq. Bunun üzərində daha çox işləyəcəyik".
İdman.biz bildirir ki, bu sözləri Misli Premyer Liqasının 5-ci turu çərçivəsində keçirilmiş "Karvan-Yevlax" - "İmişli" (0:3) oyunundan sonra yevlaxlıların baş məşqçisi Azər Həşimov matçdan sonra keçirilən mətbuat konfransında deyib.
"Ötən turlarda olduğu kimi yenə standart vəziyyətdən qol buraxdıq. Daha sonra rəqib əks-hücumda ikinci qolu vurdu. Fasiləyə məğlub durumda yollandıq. Çalışsaq da, geridönüş edə bilmədik", - məşqçi bildirib.
Həşimov bəzi legionerlərin potensialından aşağı çıxış etdiyini vurğulayıb: "3-4 legioner futbolçu var ki, onlardan tam istədiyimizi ala bilmirik".
İdman.biz
