Sport24.az
"Karvan-Yevlax" baş məşqçisi Azər Həşimovla yollarını ayırsa da, bunu sosial şəbəkə hesablarında açıqlamayıb. Sport24.az bölgə təmsilçisində yaşananlarla bağlı məlumatlar əldə edib.
Komanda artıq yeni baş məşqçi Füzuli Məmmədovun rəhbərliyi altında məşqlərə də çıxır.
Sadəcə, Azər Həşimov "Neftçi"nin vidalaşdığı Samir Abasovun yolunu gedir.
Mütəxəssis bölgə təmsilçisinin rəhbərliyindən təzminatını tələb edir. Həşimov mövsümün sonunadək müqaviləsinin olduğunu əsas gətirir və pulla bağlı güzəştə getməyəcəyini söyləyib.
Necə ki, "Neftçi"nin sabiq baş məşqçisi Samir Abasov da təzminat almaq üçün istefa verməyib və mövsümün sonunadək qazanacağı maaşı alacaq.
Qeyd edək ki, Azər Həşimov yayda "Karvan-Yevlax"ın baş məşqçisi təyin edilib.
