Idman.biz
Bu gün futbol üzrə Misli Premyer Liqasının ilk turunda "Qəbələ" ilə qarşılaşacaq "Karvan-Yevlax" komandasının baş məşqçisi Azər Həşimov oyunla bağlı fikirlərini bölüşüb.
İdman.biz xəbər veir ki, bu barədə AZƏRTAC-a danışan mütəxəssis matça ciddi hazırlaşdıqlarını bildirib.
Azər Həşomov müsbət nəticə qazanmaq istəklərini vurğulayıb: "Çempionatın ilk oyunudur və çalışacağıq ki, əzmkar oyun nümayiş etdirək. "Qəbələ" ilə qarşılaşmada sərfəli nəticə qazanmaq istəyirik. Futbolda şans hər zaman güclünün tərəfində olmur. Bu idman növündə istənilən nəticə ilə qarşılaşmaq olar".
Mütəxəssis yeni mövsümə tam hazır olmadıqlarını söyləyib: "Lakin liqada oyunlar keçirərək, optimal formaya düşəcəyik. Yeni mövsümdəki hədəfimiz Premyer Liqada yerimizi möhkəmləndirməkdir".
Qeyd edək ki, "Karvan-Yevlax" – "Qəbələ" görüşü saat 17:00-da Şamaxı şəhər stadionunda təşkil olunacaq.
İdman.biz
