Idman.biz
"Komandada hər şey qaydasındadır"
Bunu İdman.biz-ə "Kəpəz"in baş məşqçisi Azər Bağırov deyib.
O, Misli Premyer Liqasında XXXII turunda baş tutacaq "Zirə" ilə qarşılaşma haqqında danışıb. Mütəxəssis bildirib ki, "Kəpəz" bu matça ciddi hazırlaşıb: "Hər üç qarşılaşmada "Zirə"yə məğlub olmuşuq. Demək olar ki, Konfrans və Avropa Liqasını təmin eləmiş bir komandaya qarşı oynayacayıq. Çalışıb boşluqlar verməməliyik. Evdə oynamağımız və azarkeşlərin dəstəyini müsbət məqam kimi qeyd edə bilərəm".
Bağırov Premyer Liqada yerini möhkəmlətmək baxımından bu matçın vacib olduğunu vurğulayıb: "Çalışacağıq ki, minimum xal toplayaraq yolumuza davam edək. Çünki Premyer Liqada qalmağı tam təmin etməmişik".
Qeyd edək ki, bu gün keçiriləcək "Kəpəz" – "Zirə" matçı Tovuzda baş tutacaq. Oyunun start fiti saat 19:00-da səslənəcək.
Aytac Sahəd
İdman.biz
