İdman.biz
"Son oyunlarda komandamızda ruh yüksəkliyi yaranmışdı. Bu gün uşaqlar sona qədər mübarizə apardı. Meydana sonradan daxil olanlar özlərini yaxşı göstərdi. Oyundan-oyuna daha yaxşı olacağıq".
İdman.biz xəbər verir ki, bunu "Kəpəz"in baş məşqçisi Azər Bağırov deyib.Gənc mütəxəssis Misli Premyer Liqasının 12-ci turunda "Səbail" üzərində qazanılan 1:0 hesablı qələbəni şərh edib: "Son oyunlarda komandamızda ruh yüksəkliyi yaranmışdı. Ötən matçda son dəqiqələrdə qol buraxdıq, bu gün isə son dəqiqədə qol vurduq. Sona qədər qol vurmaq istədiyimiz yaxşı motivasiyadır. İkinci hissədə daha yaxşı idik. İlk yarıda küləyə qarşı oynayırdıq. Layiqli qələbə qazandıq".
Qeyd edək ki, "Kəpəz" mövsümdə ikinci qələbəsini qazanıb. Hesabında 6 xal olan komanda sonuncu pillədə qərarlaşıb.
İdman.biz
