Sport24.az
"Azarkeşlərimizə təşəkkür edirəm. Komandamızın sonadək yanında oldular. Bu, növbəti oyunlar üçün motivasiyadır. Maraqlı qarşılaşma alındı. Epizodlardan yararlana bilmədik. Bunun üzərində işləməliyik. Dinamik matç keçdi. Təəssüf ki, uduzduq".
Sport24.az xəbər verir ki, bu sözləri "Kəpəz"in baş məşqçisi Azər Bağırov "Neftçi"yə 0:1 hesabı ilə uduzduqları Azərbaycan Kubokunun 1/4 final mərhələsinin cavab oyunundan sonra mətbuat konfransında deyib.
Mütəxəssis daha sonra jurnalistlərin suallarını cavablandırıb.
- Premyer Liqanın növbəti turunda da "Neftçi" ilə üz-üzə gələcəksiniz. Növbəti görüş üçün material yığa bildiniz?
- Material hər bir oyunda var. Dördüncü dəfədir ki, "Neftçi" ilə qarşılaşmışıq. Bəzi şeyləri analiz etməyə dəyməz. dediyimiz səhvlər var ki, minimuma endirməliyik, qalib gələk. Futbolçular bir şeyləri meydanda daha yaxşı icra etməyə başlayanda daha da yaxşı olur. Çox futbolçunun potensialını bilirik. Oyun intizamı futbolda çox önəmlidir. Son məğlubiyyətlərə səbəb odur.
