Idman.biz
"Qarabağ"la qarşılaşmağımıza baxmayaraq uğursuz seriyaya son vermək istəyirdik".
İdman.biz bildirir ki, biz sözləri "Kəpəz"in baş məşqçisi Azər Bağırov Misli Premyer Liqasının 7-ci turunda "Qarabağ"la oyundan sonra deyib.
Bu oyun Azər Bağırovun bu mövsümdə "Kəpəz"in baş məşqçisi kimi ilk matçı olub.
"Uşaqlara təşəkkür edirəm. Yaxşı mübarizə apardılar. Səhvləri minimuma endirmək üçün çalışmaq lazımdır", - o, bildirib.
Bağırov "Kəpəz"in düşdüyü durumdan çıxacağına inandığını vurğulayıb: "Azarkeşlərimiz, futbolçular, hamımız istəyirik ki, Gəncədə böyük futbol yaşasın. Nə bacarırıqsa, onu da edəcəyik. Əvvəlki oyunlara nisbətən bu gün daha çox emosiya və istək var idi. Bunu artırıb istəyimizə çatmaq istəyirik. Oyunçuların hər biri ilə ayrı-ayrılıqda danışmışıq, motivasiya vermişik".
Hazırda "Kəpəz" 0 xalla turnir cədvəlinin sonuncu pilləsindədir.
