Sport24.az
"Bu oyunda "Zirə"nin üstün və zəif tərəfləri var". Bu sözləri Sport24.az-a açıqlamasında "Kəpəz"in sabiq baş məşqçisi Azər Bağırov deyib.
Mütəxəssis Bakı təmsilçisinin bu gün Xorvatiyanın "Hayduk" komandasına keçirəcəyi oyunla bağlı fikirlərini bölüşüb:
"Üstün tərəfləri hava şəraiti ola bilər. Hava xeyli istidir. Məncə, cinah oyunçularını çıxmaq şərti ilə son illərin ən yaxşı "Zirə"sidir. Yaxşı müdafiə və orta xətti mövcuddur. Bu, üstün tərəflərimizdir. Rəqibin kobud oynayacağını bilirik. Bu, Xorvatiya çempionatında da belə idi. "Hayduk" son beş-altı turda dörd qırmızı vərəqə alıb. Düşünürəm ki, bu, "Zirə"nin xeyrinə ola bilər"
Bağırovun sözlərinə görə, oyunçular rəqibi qıcıqlandıra bilsə, bunun nəticəyə böyük təsiri olacaq: "Hayduk" köklü klubdur. Yaxşı hücum xəttləri var. Standart vəziyyətlər onların əsas qol silahıdır".
Qeyd edək ki, bu gün "Neftçi Arena"da baş tutacaq "Zirə" - "Hayduk" oyunu saat 19:30-da start götürəcək.
