Idman.biz
"Əlimizdən gələni etdik".
İdman.biz xəbər verir ki, bunu "Kəpəz"in baş məşqçisi Azər Bağırov Misli Premyer Liqasının XXXV turunda "Qarabağ"la matçdan sonra keçirilən mətbuat konfransında deyib.
O, komandasında müəyyən irəliləyişlərin olduğunu deyib: "Yəqin, razılaşarsınız, ilk hissədə yaxşı bir "Kəpəz" gördük.
Ümid edirəm, gələcəkdə komandaların büdcələri daha da çoxalacaq və yaxşı rəqabətin şahidi olacağıq. Bu gün ürəyimiz istəyən kimi çıxış edə bilmədik. Çünki ehtiyat heyətimiz kasaddır. "Qarabağ"ı qələbə münasibəti ilə təbrik edirəm".
Qeyd edək ki, "Qarabağ" – "Kəpəz" matçı Ağdam təmsilçisinin 3:0 hesablı qələbəsi ilə yekunlaşıb.
Aytac Sahəd
İdman.biz
