Sport24.az
Azərbaycan milli komandasının futbolçusu Coşqun Diniyevin yeni klubu "Çorum" baş məşqçisi Serkan Özbaltanı istefaya göndərib. Sport24.az xəbər verir ki, klub bu barədə qərarı 1-ci liqada "Boluspor"a dünənki matçdakı məğlubiyyətdən (0:2) sonra verib.
46 yaşlı mütəxəssis 2023-cü ilin noyabrında "Çorum"u çalışdırırdı.
Qeyd edək ki, C.Diniyev "Çorum"a bu qış transfer pəncərəsində keçib. O, "Malatyaspor"la debüt matçında (2:0) əsas heyətdə yer alıb komandasının hər iki qolunu vursa da, maraqlıdır ki, komandasının sonrakı 4 matçının hamısında ehtiyatda qalıb. O, üç matçda üst-üstə cəmi 20 dəqiqə meydanda olub, dünənki görüşdə isə ümumiyyətlə, sonadək ehtiyatda qalıb.
"Çorum"da ilk oyununa uğurlu başlayan yeni transfer Diniyevin növbəti oyunlarda ehtiyata göndərilməsi təəccüblü idi. Hətta yerli azarkeşlər də bu qərara görə baş məşqçiyə sosial şəbəkəkərdə etiraz edirdi. Güman olunur ki, məşqçi ilə azərbaycanlı futbolçu arasında hansısa problem olub.
Qeyd edək ki, Türkiyə superliqasına vəsiqə uğrunda yarışan "Çorum" hazırda 28 oyundan 39 xalla 10-cu yeri tutur.
