Sport24.az
Türkiyənin Antalya şəhərində təlim-məşq toplanışında olan 21 yaşadək futbolçulardan ibarət Azərbaycan milli komandası birinci yoxlama görüşünü keçirib. Sport24.az xəbər verir ki, U-21 yeni baş məşqçi Ayxan Abbasovun rəhbərliyi altında ilk oyununda Moldovanın müvafiq yaş qrupundan ibarət kollektivi ilə qarşılaşıb.
"Cornelia" Futbol Mərkəzində təşkil olunan matç Azərbaycan millisinin 2:0 hesablı qələbəsi ilə yekunlaşıb. Komandanın heyətində qolları 18-ci dəqiqədə Oruc Məmmədov və 25-ci dəqiqədə Sadiq Şəfiyev vurublar.
U-21 millinin start heyəti: 22. Xəyal Fərzullayev, 2. Raul Məmmədov, 5. Emin Rüstəmov, 20. Ayxan Süleymanlı, 3. Rüfət Abbasov, 17. Nihad Əhmədzadə, 24. Oruc Məmmədov, 8. Emil Süleymanov, 7. Murad Məmmədov, 10. Edqar Adilxanov, 19. Sadiq Şəfiyev.
Qeyd edək ki, milli komanda hazırlıq çərçivəsində martın 25-də Şimali Makedoniya yığması ilə yoxlama görüşü keçirəcək.
