Sport24.az
Azərbaycanın U-21 yığmasının baş məşqçisi Ayxan Abbasov Monteneqroya qarşı keçirilən yoldaşlıq oyunundan (0:0) sonra jurnalistlərin suallarını cavablandırdı. Sport24.az xəbər verir ki, mütəxəssis əvvəlcə görüşlə bağlı fikirlərini bildirdi...
- Azarkeşlərə təşəkkür edirəm. Sumqayıtda oynamaq xoşdur. Son iki oyunda istəyirdik ki, qarşıdakı rəsmi matçlara hazırlaşaq. Uşaqlar güclərini göstərdilər. Belarusla səfərdə də məğlub olmamalı idik. Oyunlar göstərdi ki, böyüməliyi. Gənc heyətimiz var. Gələcəyə nikbin baxırıq. İşin başlanğıcındayıq. Bu futbolçuların klublarında stabil oynaması vacibdir.
- Bu iki matçda nələr alındı, nələr yox?
- İstədiyimiz oyun var. Alınmayan ustalıqdı. Məsələn, zərbələrdə daha bərk vurmaq lazımdır. Asmalarda da çatışmazlıq göründü. İşlər çoxdur. Futbolçular inanmalı, formanı sevməlidir. Uşaqlar məğlub olmaq istəmirdi, sona qədər döyüşdü. Bu, az iş deyil.
- Legioner limitinin ləğvinin U-21-ə təsir edəcəyi deyilir. Eyni zamanda Əvəzedicilər Liqasının ləğvi gündəmdədir. Bəs bu uşaqlar harda oynayacaq?
- Millinin futbolçularının əvəzedicilərdə oynaması fikri köhnədir. Belarusun heyətində olan oyunçular əsas liqada çıxış edir. Legioner limiti götürülsə də, bəzi klublar gənclərə şans verəcək. Yerli oyunçular rəqabət aparmalıdır. Ola bilər, oyunçu az olsun. Ancaq rəqabət də lazımdır. Əvəzedici heyətin olmaması başqadır. Amma millinin oyunçusunun Əvəzedicilərdə oynamasını istəmirəm.
