İdman.biz
"Səfərdə bir xal qazanmaq da bizi sevindirdi. Çətin olacağını bilirdik. Çünki yeni komandayıq, yeni oyunçular var".
İdman.biz xəbər verir ki, bunu "Şamaxı"nın baş məşqçisi Ayxan Abbasov deyib.
O, Azərbaycan Premyer Liqasnın ilk turunda "Sabah"la qeydə alınan heç-heçəni şərh edib: "Adaptasiya üçün bir neçə oyun lazımdır. Futbolçular müdafiədə ilk dəqiqələrdə səhvlərə yol verdilər və qollar buraxdıq. Amma ruhdan düşməyib iki qol vurduq. "Sabah"a iki qol vurmaq futbolçularıma inam verir. Hər xal bizim üçün vacib olacaq. "Sabah"a uğurlar arzulayıram, avrokuboklarda çətin oyuna çıxacaqlar. Ümid edirik ki, bu mövsüm həm "Zirə", həm də "Sabah" qruplarda ölkəmizi təmsil edərlər".
Ayxan Abbasov əsas məqsədlərini açıqlayıb: "Potensiallı futbolçularımız var. Komandama inanıram. Buraya inanaraq gəlmişəm. Bir-iki futbolçunun da olmasını istəyərdik. Brahim Konate də zədəlidir. Bu mövsüm əsas məqsədimiz Premyer Liqada möhkəmlənməkdir. İstədiyimi oyunu hələ ki, görmürəm. Bundan yaxşı olmağa çalışacağıq".
Qeyd edək ki, "Sabah" - "Şamaxı" matçı 2:2 hesabı ilə yekunlaşıb.
İdman.biz
