Sport24.az
Misli Premyer Liqasının XXIX turunda keçirilən "Şamaxı" – "Neftçi" (0:2) matçından sonra meydan sahibi komandanın baş məşqçisi Ayxan Abbasov jurnalistlərin suallarını cavablandırdı. Sport24.az xəbər verir ki, mütəxəssis əvvəlcə oyun haqda fikirlərini bölüşdü:
– İstəyirdik qalib gələk. Amma təssüf ki, alınmadı. İlk hissədə pis oynamadıq, sadəcə qol imkanlarından istifadə edə bilmədik. Deyərdim ki, rəqib bu gün fərdi ustalıqdan qalib gəldi. Ehtiyat qüvvəmizin zəif olmasına görə belə hadisələrin olacağını bilirdik. Zədəlilərimiz çoxdur. Rafael və Vladislavın olmaması çətinliklər yaradır. Maykl xəstə idi. Amma hücumda oynatmağa məcbur idik. Tək sevindirici o oldu ki, Elmar debüt etdi. İnşallah ki, toparlanacağıq. Bu dəqiqə psixoloji durumumuzu aşağı salmaq lazım deyil.
– "Kəpəz"lə xal fərqi 1-ə, "Səbail"lə 8-ə endi. Sonluq sizin üçün də gərgin keçəcək?
- Məncə də. Onsuz da 3 xallıq sistemdə 8 xal çox deyil. Qarşıda olan turlarda çox şey dəyişə bilər.
