Idman.biz
"Məncə Mahir son vaxtlarda ən yaxşı oyunlarından birini keçirdi. O, əzmkar idi".
İdman.Biz bildirir ki, bu sözləri DÇ-2026-nın Fransa ilə oyunundan sonra Azərbaycan millisinin baş məşqçisi Ayxan Abbasov Mahir Emrelinin oyununu şərh edərkən deyib.
Oyun 3:0 hesabı ilə Fransanın xeyrinə qurtarıb.
"Hücumlarımızın alınmaması rəqibə görə idi. İmkan vermirdilər. Mahir tək qalanda çətinlik çəkirdi. Məncə, pis təsir bağışlamadı. Mahirə də dəstək olmalıyıq. Çünki bizim futbolçularımız sağ hücum mövqeyində az oynayırlar. İnşallah, gələn oyunda rotasiyalar da olacaq. Amma bu gün Mahir maksimum çalışdı kömək eləsin", - Abbasov bildirib.
