Idman.biz
"Oyunun çətin keçəcəyini dünən də bilirdik. Rəqibin necə hazırlaşdığını da gördük".
İdman.Biz bildirir ki, bu sözləri DÇ-2026-nın Fransa ilə oyunundan sonra Azərbaycan millisinin baş məşqçisi Ayxan Abbasov deyib.
Oyun 3:0 hesabı ilə Fransanın xeyrinə qurtarıb.
"İlk dəqiqələrdən rəqibin pressinqinə, azarkeş dəstəyinə hazır idik. Rəqibin ustalığı yüksək səviyyədə idi. Futbolçularmız əzmkarlıq göstərdilər. Bizim üçün bu dəqiqə bu həqiqətən vacibdir. Əzmkarlıq istək olandan sonra gələcək də daha rahat olacaq. Bu komandalarla təcrübə yığmaq lazımdır, çünki top komandadır. Ümumən futbolçularıma bugünkü oyunda göstərdikləri əzmkarlığa görə təşəkkür etmək istəyirəm", - Abbasov bildirib.
Baş məşqçi qeyd edib ki, yığmanı üç gündən sonra daha çətin oyun gözləyir: "Gördük ki, sonda bir çox futbolçularda ağrılar oldu. Buna baxmayaraq Ukrayna ilə oyuna ciddi hazırlaşacağıq".
