Idman.biz
"Ayntraxt Frankfurt" "Nottingem Forest"in hücumçusu Arno Kalimuendonu icarəyə götürəcək.
İdman.Biz bu barədə "Sky Sport Germany"yə istinadən xəbər verir.
Mənbənin məlumatına görə, oyunçu cari mövsümün sonuna qədər Almaniya klubuna icarəyə veriləcək. Müqavilədə 27 milyon avroluq alış qiyməti ilə satın alma seçimi də var. "Qartallar" onu icarə əsasında "Nitsa"ya keçən Elias Vainin əvəzedicisi kimi görürlər.
Kalimuendo PSJ-nin gənclər sisteminin yetirməsidir və klubda böyüklər səviyyəsində də oynayıb. O, həmçinin "Lans"da da çıxış edib. Kalimuendo ötən yay "Renn"dən 30 milyon avroya "Nottingem Forest"ə keçib. O, bu mövsüm klubun heyətində 13 oyunda meydana çıxıb və iki qol vurub. "Transfermarkt-ın məlumatına görə, oyunçunun hazırkı bazar dəyəri 25 milyon avrodur.
