Sport24.az
"Ağır oyun oldu, çox əziyyət çəkdik. Həm meydan amili, həm oyunun günorta saatlarında keçirilməsi bizə problem yaradırdı. Amma şükür ki, sona qədər mübarizə aparıb qələbə qazana bildik". Bu sözləri Sport24.az-a açıqlamasında "Şamaxı" ilə oyundan qalib ayrılan "Zirə"nin qapıçısı Aydın Bayramov deyib.
"Qartallar"ın "çərçivə qoruyucusu" matçın sınma anının ilk hissənin son saniyələrində vurduqları qol olduğunu vurğulayıb:
"Fasilə ərəfəsində vurduğumuz qol bizə çox kömək oldu. Düzdü, ilk hissəni məğlub bitirsəydik belə, ikinci yarıda tam gücümüzü qoyub qələbə qazanmağa çalışacaqdıq. Ancaq alına da bilərdi, alınmaya da".
Millinin də şərəfiniq qoruyan qolkiper qapçısı "Zirə"nin turnir cədvəlindəki mövqeyinə də toxunub:
"Turan Tovuz"la xal fərqinin 1 xal olması bizi qorxutmur. Sadəcə, çempionatın ağırlığını dərk edirik və daha məsuliyyətli olmalıyıq. Hər matç bizim üçün çox vacibdir".
Bayramov növbəti turda qarşılacaqları "Qarabağ" komandasından danışıb:
"Çempionatın liderinə qarşı oynayacayıq. Çox çalışıb maksimum nəticə ilə meydandan ayrılmaq istəyirik".
