Sport24.az
Erediviziyanın 14-cü turunun "Ayaks" və "Qroningen" komandaları arasında keçirilən oyun Amsterdam komandasının azarkeşlərinin tribunalarda pirotexnikadan istifadə etməsi səbəbindən yarımçıq dayandırılıb. Sport24.az xəbər verir ki, oyun cəmi beş dəqiqə davam edib.
İlkin 40 dəqiqəlik fasilədən sonra hakim komandaları meydana qaytarıb, lakin oyun bərpa edildikdən dərhal sonra azarkeşlər yenidən pirotexnikadan istifadə etməyə və onları meydana atmağa başlayıblar.
Nəticədə hakim təhlükəsizlik səbəbindən komandaları yenidən meydandan uzaqlaşdırmaq qərarına gəlib. İkinci fasilədən sonra matç birdəfəlik dayandırılıb.
Yerli medianın məlumatına görə, azarkeşlər bu yaxınlarda vəfat etmiş azarkeşin xatirəsinə əsasən belə "şou" göstəriblər.
Qeyd edək ki, Niderland Futbol Assosiasiyası matçın dekabrın 2-də azarkeşsiz keçiriləcəyini bildirib.
