İdman.biz
Eyni ildə Çempionlar Liqası və Avropa çempionatının qalibi olan futbolçuların siyahısı açıqlanıb.
İdman.biz xəbər verir ki, cədvəli İFFHS tərtib edib.
İndiyədək buna 17 futbolçu nail olub. Yeddi fərqli ildə belə hadisə yaşanıb. 1988-ci ildə daha çox – 5 futbolçu həm klub, həm yığmada Avropanın ən güclüsü olub.
Niderland kimi İspaniyanın da 5 üzvü belə uğura sahibdir. Klublar arasında rekord "Real"dadır. Üç dəfə heyətində belə oyunçusu olan "Kral klubu"nun ümumilikdə 7 futbolçusu Avropanın ən böyük "Qızıl dubl"una imza atıb.
Qeyd edək ki, belə nailiyyətə heç kim iki dəfə imza atmayıb.
1964 ("İnter", İspaniya)
Luis Suares
1988 (PSV, Niderland)
Hans van Brekelen, Berri van Arle, Ronald Kuman, Gerald Vanenburq, Vim Kift
2000 ("Real", Fransa)
Nikola Anelka, Kristian Karambö
2012 ("Çelsi", İspaniya)
Xuan Mata, Fernando Torres
2016 ("Real", Portuqaliya)
Kriştiano Ronaldo, Pepe
2021 ("Çelsi", İtaliya)
Emerson, Jorjinyo
2024 ("Real", İspaniya)
Dani Karvaxal, Naço, Xoselu
İdman.biz
