Idman.biz
Bu gün UEFA Avropa Liqası və Konfrans Liqası əsas mərhələlərinin püşkü atılacaq.
İdman.biz xəbər verir ki, "Aston Villa", "Bolonya", "Brann", "Qo Ahed İqls" və "Nottingem Forest" qrup/liqa mərhələsinin tətbiqindən bəri ilk dəfə Avropa Liqasının bu mərhələsində iştirak edəcəklər (düzdür, "Aston Villa" və "Brann" əvvəllər UEFA kubokunun qrup mərhələsinə qatılıblar).
"Qo Ahed İqls" və "Nottingem Forest", ümumiyyətlə, UEFA-nın klub turnirlərinin qrup və ya liqa mərhələsində ilk dəfə çıxış edəcəklər.
Konfrans Liqasında oynayacaq "Kristal Pelas", "Drita", "Hamrun Spartans", KuPS, "Rayo Valyekano", "Samsunspor", "Şelburn", "Şkendiya", "Siqma Olomouts" və "Universitatea Krayova" da avrokubokların liqa/qrup mərhələsində ilk dəfə mübarizə aparacaqlar.
"Hamrun Spartans" hətta UEFA turnirlərinin liqa/qrup mərhələsində oynayacaq ilk Malta klubu olacaq.
Polşa Konfrans Liqasının qrup və ya liqa mərhələsində dörd klubla təmsil olunan ilk ölkə olacaq.
İdman.biz
