Sport24.az
"Real"ın qapıçısı Tibo Kurtua komandasının Çempionlar Liqasının 1/8 final mərhələsinin "Atletiko" ilə cavab oyununda qazandığı qələbədən (0:1, penaltilər seriyasında 4:2) danışıb. Sport24.az xəbər verir ki, o, barədə UEFA-nın rəsmi saytına açıqlama verib:
"Atletiko"nun fəal şəkildə ikinci qol axtarışına çıxacağını düşünürdüm. Lakin onların əsasən müdafiə olunaraq əks-hücumda oynamağa çalışdıqları məni təəccübləndirdi. Rəqib yaxşı oyun sərgilədi, qol şansları bizdən çox oldu və mən bir neçə seyv etməli oldum. Düşünürəm ki, onlar Vinisius Junior və Mbappenin sürətinə görə bizim əks-hücumlarımızdan qorxurdular".
Belçikalı qolkiper həftəboyu penaltilər seriyasına hazırlaşdıqlarını da etiraf edib:
"Son bir az "lotereya"ya bənzəyir. Həftə ərzində penaltilər haqqında çox danışdıq, amma hər şey onları vurmaq üçün meydana çıxan oyunçulardan asılıdır. Korreanın penaltini dəf etməyə çox yaxın idim. Bu, bizim ən yaxşı oyunumuz deyildi, amma fərqi yoxdur, biz yola davam edirik!"
Qeyd edək ki, Çempionlar Liqasının 1/4 finalında "Real" "Arsenal"la qarşılaşacaq.
